जापानमा नेपाली संगीतको महाकुम्भः’द एज’ ब्यान्डको प्रस्तुति

नेपाली संगीतलाई विश्वव्यापी मञ्चमा पुर्‍याउने लक्ष्यका साथ सक्रिय चन्द्रसूर्य इभेन्ट इन्टरनेशनलले जापानमा एक ऐतिहासिक सांगीतिक उत्सव “नेपाल म्युजिक फिस्ट २०२५“ को घोषणा गरेको छ। जापानका प्रमुख चार शहरहरूमा आयोजना हुने यो भव्य महोत्सवले पहिलो पटक प्रतिष्ठित नेपाली कलाकारहरूलाई एउटै मञ्चमा प्रस्तुत गर्दैछ, जसले जापानमा रहेका नेपाली समुदाय र संगीतप्रेमीहरूमाझ उत्साहको लहर ल्याएको छ। यो महोत्सव नेपालको चर्चित रक ब्यान्ड ’द एज’ को सांगीतिक यात्राको २५औं वार्षिकोत्सवको विशेष अवसरमा समर्पित रहनेछ, जसले कार्यक्रमलाई थप अविस्मरणीय बनाउने अपेक्षा गरिएको छ।
जापान टुरको तालिका यस्तो छः
जापानका नेपाली समुदायको बाक्लो उपस्थिति रहेका शहरहरूलाई लक्षित गरी तय गरिएको कार्यक्रम तालिका निम्नानुसार रहेको छः
टोकियोः अगस्ट ३, आइतबार Belle Salle Takadanobaba)
ओसाकाः अगस्ट ८, शुक्रबार Namba Hatch
फुकुओकाः अगस्ट ११, सोमबार ZEPP Fukuoka
नागोयाः अगस्ट १३, बुधबार Diamond Hall
यो कार्यक्रम जापानमा पहिलो पटक यति धेरै प्रतिष्ठित नेपाली कलाकारहरूलाई एकैसाथ एउटै मञ्चमा प्रस्तुत गर्ने ऐतिहासिक सांगीतिक महोत्सव हुनेछ। कार्यक्रमको मुख्य आकर्षणको रूपमा ’द एज’ ब्यान्डले आफ्नो स्थापनाको २५औं वार्षिकोत्सव भव्यताका साथ मनाउनेछ । महोत्सवले नेपाली संगीत र संस्कृतिलाई जापानी समुदायमाझ परिचित गराउँदै नेपाल र जापानबीचको मित्रता र सांस्कृतिक समझदारीलाई अझ गहिरो बनाउने उद्देश्य राखेको छ। कार्यक्रमलाई अन्तर्राष्ट्रिय स्तरको बनाउन सुरक्षित इन्डोर भेन्यु, व्यावसायिक साउन्ड, लाइटिङ र सुरक्षा व्यवस्था मिलाइएको छ। साथै, नेपाली र जापानी दुवै भाषा बुझ्ने कर्मचारी तथा स्वयंसेवकहरूको व्यवस्थाले सबैलाई सहज बनाउनेछ। नेपाली, जापानी र अंग्रेजी भाषामा सामाजिक सञ्जाल, कलाकारहरूको सन्देश, ट्रेलर र प्रभावकहरूमार्फत कार्यक्रमको व्यापक प्रचारप्रसार गरिने समेत आयोजनकले जनाएको छ । आयोजक चन्द्रसूर्य इभेन्ट इन्टरनेशनलका अनुसार, यो महोत्सव केवल एक मनोरञ्जनात्मक कार्यक्रम मात्र नभई “नेपाली संगीतलाई विश्वमा जोड्ने“ एक सांस्कृतिक मिसन हो। यसले विदेशमा रहेका नेपाली समुदायलाई एकताको सूत्रमा बाँध्ने र नेपाली कलाकारहरूका लागि अन्तर्राष्ट्रिय स्तरमा एउटा बलियो विरासत निर्माण गर्ने लक्ष्य लिएको छ। कार्यक्रमको टिकट भचयत्ष्अपभत मार्फत उपलब्ध हुनेछ, जहाँ Early Bird, Standard, FAN PIT / VIP जस्ता विभिन्न विकल्पहरू रहनेछन्।